Абайлаңыз кар көчкү! ӨКМ өлкө жолдорундагы кооптуу тилкелердин тизмесин жарыялады

Өзгөчө кырдаалдар министрлиги аба ырайынын туруксуздугуна байланыштуу шашылыш билдирүү таратты.

Маалыматка ылайык, 15-мартка чейин Кыргызстандын тоолуу райондорунда кар көчкү түшүүсү жана кар күрткүсү күтүлөт. 

Кооптуулук сакталган негизги тилкелер:

• Бишкек – Ош унаа жолу: 121-138-чакырымдар (Төө-Ашуу ашуусу), 198-265-чакырымдар (Ала-Бел ашуусу, Чычкан капчыгайы);
• Мырза-Аке – Кара-Кулжа – Алайкуу унаа жолу: 55-115-чакырымдар;
• Ала-Бука – Каныш-Кыя унаа жолу: 45-112-чакырымдар (Чапчыма ашуусу);
• Красная-Горка – Акташ унаа жолу: 0-3-чакырымдар;
• Бишкек – Нарын – Торугарт унаа жолу: 292-305-чакырымдар (Долон ашуусу);
• Балыкчы – Казарман – Жалал-Абад унаа жолу: 201-205, 260-290 жана 326-349-чакырымдар (Көк-Арт ашуусу);
• Каракол – Эңилчек унаа жолу: 45-90-чакырымдар (Чоң-Ашуу ашуусу).

ӨКМ жолдор тайгак болуп, муз тоңорун эскертет. Унаалардын ортосундагы 500 метрлик аралыкты катуу сактоо зарыл.н