Бишкек-Кунтуу-Шопоков унаа жолун реконструкциялоо боюнча пландалган иштер активдүү темпте улантылууда. Бул тууралуу Транспорт жана коммуникациялар министрлигинин маалымат кызматы билдирди.
Учурда жолдун 0-3,9 чакырым аралыгында жол четине бордюрлар орнотулуп, Күнтуу айылынын ичиндеги тротуарларга асфальт төшөлүүдө.
Мындан сырткары, Күнтуудан Токбай айылына чейинки тилкеде жолдун негизи бекемделип, Токбайдан Кара-Сакал айылына чейинки бөлүктө бак-дарактар кыйылып жатат.
Долбоор Мамлекеттик капиталдык салымдар беренесинин алкагында каржыланып, Транспорт жана коммуникациялар министрлигине караштуу “Кыргызавтожол-Түндүк” мам.ишканасынын №1 Жол куруу башкармалыгы тарабынан ишке ашырылууда.
Унаа жолдун жалпы узундугу 12,4 чакырым. Анын 6,7 чакырымына былтыр асфальт-бетондун биринчи катмары төшөлгөн.
Долбоорго ылайык, жол төрт тилкеге чейин кеңейтилет жана жөө жүргүнчүлөр үчүн тротуарлар курулуп, заманбап жарыктандыруу системасы орнотулат, кыйылган бак-дарактардын ордуна жаңы көчөттөр отургузулат.
Загрузка ...
