Чүй облусунда үй-бүлөлүк зомбулукка шектелген жаран кармалды.
Облустук милициядан билдиришкендей, 7-январда Ысык-Ата райондук ички иштер бөлүмүнө 1995-жылы туулган жаран А.З. арыз менен кайрылган.
Анын айтымында, ошол эле күнү болжол менен саат 12:00 чамасында Ивановка айылындагы үйүндө жолдошу А.Э. менен болгон чыр учурунда денесине залал келтирилген.
Факт каттоого алынып, соттук-медициналык экспертиза дайындалган. Анын жыйынтыгында жабык түрдөгү төртүнчү кабырга сыныгы, жумшак ткандардын көп сандаган көгөрүүлөрү жана сыйрылуулары аныкталган.
Окуя боюнча Кыргыз Республикасынын Кылмыш-жаза кодексинин 177-беренеси (үй-бүлөлүк зомбулук) менен кылмыш иши козголду.
1993-жылы туулган шектүү А.Э. Кылмыш-жаза процессуалдык кодексинин 96-беренесине ылайык кармалып, убактылуу кармоочу жайга киргизилди.
Тергөө иштери уланууда.
Чүй облустук ички иштер башкармалыгы аялдарга жана жашы жете электерге карата зомбулуктун бардык түрлөрү мыйзам чегинде катуу жоопкерчиликке тартыларын эскертет.
Загрузка ...
