Эки-Нарын көпүрөсүнүн курулушу кайсы этапка келди?

Нарын районуна караган Нарын – Оруктам унаа жолунун 39-чакырымындагы көпүрөнүн курулушу кызуу жүрүүдө.
Жумуштар “Бишкек-Темир” ЖЧКсы тарабынан аткарылып жатат. Ошондой эле, курулуш иштерине “Кыргызавтожол-Түндүк” мамлекеттик ишканасы да тартылган. Бул тууралуу Транспорт жана коммуникациялар министрлигинин маалымат кызматы билдирди.

Маалыматка караганда учурда көпүрөнүн пайдубалы даярдалып, арматуралар орнотулуп, бетон куюу жумуштары жыйынтыкталар алдында турат. Бул этап көпүрөнүн туруктуулугун камсыз кылган негизги конструкция болуп эсептелет.

Алдыда үстүңкү конструкцияларды орнотуу жана жол кыймылын калыбына келтирүү жумуштары аткарылат.
Эскерте кетсек, 2025-жылдын 13-августунда аталган көпүрө жараксыз абалга келип, каттам убактылуу жабылган.