2025-жылдын башынан бери Кыргызстанда кызамык оорусунун 7342 учуру катталганын Республикалык иммунопрофилактика борбору билдирди.
Алардын ичинен тогузу каза болгон. Көрсөтүлгөн мөөнөттө бир жаштан төрт жашка чейинки балдар инфекцияга көбүрөөк дуушар болушат.
Кызамык оорусунун эң жогорку көрсөткүчү Бишкек шаарында, Чүй жана Ош облустарында, ошондой эле Ош шаарында катталган.
Ооруга чалдыккандардын арасында 440 адам гана эмдөөдөн өткөн, алардын көбү вакцинанын бир гана дозасын алышкан.
Эмдөөдөн өтпөгөндөрдүн ичинен 6902 адам кызамык оорусуна чалдыккан (94 пайыз), анын ичинен 3252 адам (44 пайыз) вакцина алуудан баш тарткан.
Профилактикалык жана эпидемияга каршы иш-чаралар уланууда.
Загрузка ...
