Айдоочулардын эсине!Жолдор тоңголок болот

Бишкек шаардык ички иштер башкы башкармалыгынын Кайгуул кызматы айдоочуларды жолдо жүрүүдө эрежелерин так сактоого чакырды.

Ведомствонун маалыматына ылайык, Бишкекте абанын температурасы 0°С төмөн түшүп, жолдор тоңголок болушу мүмкүн.

Мындан улам Кайгуул кызматы айдоочуларга төмөнкү эрежелерди так сактоону сунуштайт.

• Белгиленген ылдамдыктан ашырбай айдоо;
• Унаалар арасындагы аралыкты сактоо;
• Унаадан ашып өтүү, тормозду басуу, бир тилкеден экинчи тилкеге өтүү сыяктуу кыймылдарды жасабоо;
• Жөө адамдар өтүүчү өтмөктөрдө өзгөчө этият болуу.

“Аба ырайынын өзгөрүшүнө байланыштуу жол шарттарынын начарлашынан улам тобокелдиктерди азайтуу үчүн түнкүсүн унаа кыймылын чектөөнү сунуштайбыз”,- деп айтылат маалыматта.