Ар бир реформанын артында негизде турат, — деди Жогорку Кеңештин депутаты Улукбек Узакбаев парламенттин жыйынында айдоочулук күбөлүк алуу үчүн окутуу эрежелерин катаалдаштыруу маселесине токтолуп.
Анын айтымында, көп жылдар бою мамлекет айдоочулук күбөлүктөрдү берүү тармагында системалуу реформаларды жүргүзгөн эмес.
«Өзүңүздөргө белгилүү болгондой, айдоочулук күбөлүктөр Москванын жер алдындагы өтмөктөрүндө сатылып, жеке фирмалар аларды жасалмалап келишкен. Мамлекет кадам сайын бул процессти жакшыртып жатканын белгилеп кетүү керек. Бүгүнкү күндө айдоочулук күбөлүктөрдү өзүбүз чыгарып жатабыз. Статистиканы карагылачы: 2025-жылы канча адам каза болду — 900 киши, анын ичинен 99у жашы жете электер. Биз ал үй-бүлөлөр азыр кандай абалда экени жөнүндө ойлонуп да койбойбуз», — деди ал.
Депутат белгилегендей, учурда көйгөй системалуу түрдө чечилип жатат, бирок ар бир эле реформа оңой менен ишке ашпайт.
«Август айына чейин пробациялык мезгил бар. Биз калкка туура түшүндүрүшүбүз керек. Ар кандай жоромолдорду токтотуп, мамлекетти колдоого алышыбыз зарыл. Бул көйгөйдү мамлекет өз көзөмөлүнө алышы шарт», — деп баса белгиледи Узакбаев.
Загрузка ...
