Күн мурун Шанхай шаарында эң ири туристтик көргөзмөлөрдүн бири – ITB China башталды, анда Кыргызстан өзүнүн туристтик потенциалын тааныштырууда.
Туризмди өнүктүрүүнү колдоо фондунан билдиришкендей, Улуттук павильонду ачуу аземине фонддун вице-президенти Асылбек Алиев жана Кытайдагы соода өкүлү Жусубали Төрөмаматов катышты.
Көргөзмөнүн алкагында чоң кыргыз-кытай роуд-шоусу өтүп, ага жүздөн ашуун адам катышты. Алар Кыргызстандын туристтик мүмкүнчүлүктөрү жана инвестициялык келечеги менен таанышып, байланыштарды түзүштү.
Павильондун маданий программасы:
Кийиз менен тартылган сүрөттөрдү жаратуучу сүрөтчүлөрдүн иштери.
Кыргыздын улуттук үйлөнүү үлпөт кийимдеринен жасалган фотозона, көргөзмөнүн көркүн ачты.
Келгендерди павильондо салттуу боорсок жана даамдуу чай менен тосуп жатышат.
Көргөзмө үч күнгө созулат. Бул Кыргызстанды дүйнөгө таанытуунун, маданий байланышты чыңдоонун жана жаңы туристтерди тартуунун уникалдуу мүмкүнчүлүгү!
Загрузка ...
