Tunduk тиркемесиндеги кызматтардын саны дагы көбөйдү

Tunduk колдонмосунда жаңы кызматтардын тизмеси көбөйдү. Бул тууралуу Санариптик өнүгүү жана инновациялык технологиялар министрлигинен билдиришти.

Ведомствонун маалыматына ылайык, эми сиз электрондук форматта төмөнкү маалымкаттарды ала аласыз:

психиатриялык диспансердик эсепте тургандыгы/турбагандыгы жөнүндө маалымкат;
наркологиялык эсепте тургандыгы/турбагандыгы жөнүндө маалымкат.
Бул маалымкаттар:

Tunduk тиркемеси аркылуу онлайн алынат;
юридикалык күчкө ээ;
күнү-түнү жеткиликтүү;
мамлекеттик жана жеке уюмдар тарабынан кагаз түрүндө талап кылынбастан кабыл алынууга тийиш.