Nazar news сайтынын ээси Гүлжан Шерипбаева 20-ноябрда Биринчи Май райондук сотунун чечими менен үй камагына чыкканын анын адвокаты Жаныш Бараков ырастады.
«Гүлжан Шерипбаеванын бөгөт чарасы 20-ноябрда Биринчи Май райондук сотунун токтому менен өзгөртүлүп, үй камагына чыгарылды. Айыпталуучу макамы сакталат, сотко чейинки өндүрүш уланууда», — деди адвокат.
Шерипбаева 18-ноябрда 1-декабрга чейин Бишкектеги №1 тергөө абагына камакка алынган. Ага Кылмыш-жаза кодексинин 330-беренесинин 1-бөлүгү (“расалык, этностук, улуттук жана диний кастыкты (араздашууну) козутуу”) боюнча айып тагылган.
Загрузка ...
