Бишкек менен Чүйдө катуу шамал болот

Бүгүн күндүз Бишкек шаарында жана Чүй өрөөнүндө катуу шамал болушу күтүлөт. Бул тууралуу Өзгөчө кырдаалдар министрлигинин басма сөз кызматы билдирет.

Маалыматка караганда, күтүлүп жаткан катуу шамалдын ылдамдыгы болжол менен секундасына 15-20 метрге жетиши мүмкүн.

ӨКМ Чүй өрөөнүнүн жана Бишкек шаарынын тургундарын сак болууга чакырат.