Дмитрий Бивол бокс боюнча Кыргызстандын курама командасынын башкы машыктыруучусу Данияр Төлөгөн уулун ата мекендик спортчулардын Париждеги Олимпиада оюндарындагы ийгилиги менен куттуктап, акчалай сыйлык тапшырды.
Бивол машыктыруучунун бокстун өнүгүшүнө кошкон салымын белгилеп, мындай жетишкендиктер жаш спортчуларды жеңишке шыктандырарын белгиледи.
«Данияр Олимпиада оюндары боюнча тарыхта из калтырды. Ал менин досум, мен аны бала кезимден бери билем. Биз олимпиадалык цикл бою баарлашып турчубуз. Ал машыктыруучум экөөбүзгө кеңеш сурап кайрылчу, балдарды өзүбүз менен кошо лагерге алып барып даярдандык. Ал ар дайым канткенде кыргыз мушкерлери Олимпиадада жыйынтык көрсөтөт деп тынчсызданчу.
Данияр шакиртин Олимпиаданын финалына жеткирсе дагы бир аз көмүскөдө калып кетти. Мунарбек кубалыкты да, америкалыкты да утту, бул абдан чоң окуя. Данияр унутулбаса дейм.
Боксту сүйгөнүңүз үчүн, Токмоктон, мени менен бир залда болгонуңуз үчүн рахмат”, — деди Бивол.
Загрузка ...
