Эльвира Сурабалдиеванын атасынын өлүмү боюнча өкүмдү жокко чыгаруу сунушталды

Башкы прокуратура Эркин Мамбеталиевге (Алмазбек Атамбаевдин мурдагы жансакчысы катары белгилүү) чыгарылган өкүмдү жокко чыгарууну өтүнүүдө. Жогорку соттогу отурум 4-февралга белгиленди.

Өтүнүчтү сотко Кыргызстандын башкы прокурорунун орун басары Нурбек Каимов берген.

Белгилүү болгондой, көзөмөл органы ишкер Жыргалбек Сурабалдиевдин өлүмүнө байланыштуу өкүмдөрдү жокко чыгарууну суранууда. Ал 2005-жылы Бишкектин борборунда киши колдуу болуп, айдоочусу жаракат алган.

Алгач Эркин Мамбеталиев адам өлтүрүүгө жана башка кылмыштарга күнөөлүү деп табылып, үй-мүлкүн конфискациялоо менен өмүр бою эркинен ажыратылган. Бул өкүм бир нече жолу өзгөртүлгөн, анткени иш жаңы ачылган жагдайлардан улам кайра козголгон. Жыйынтыгында Жогорку сот 2010-жылы Мамбеталиевди 17 жылга эркинен ажыратуу чечимин кабыл алып, бирок мунапыс колдонуп, жаза мөөнөтүн үчтөн бирине кыскарткан.

Маркум Жыргалбек Сурабалдиевдин кызы Эльвира Сурабалдиева Жогорку Кеңештин депутаты.

4 Февраль 2025 жыл 9:21
Көрүүлөрдүн саны:

Тема боюнча