Быйыл күз-кыш мезгилдерине карата «Кара-Кече» мамлекеттик ишканасынын алдына 950 миң тонна көмүр казуу тапшырмасы коюлган. Бул тууралуу Энергетика министрлиги маалымдады.
Билдирмеге ылайык, өткөн жылдагы кышкы жылытуу мезгилинде 1 миллион 299 миң тонна көмүр казылган.
Энергетика министринин орун басары Насипбек Керимов Кара-Кечеге барып күз-кыш мезгилине даярдык иштери тууралуу маалымат алган.
«Көмүр кендеги Борбордук, Чыгыш жана Батыш участкаларында быйыл көмүр жетиштүү ачылган», – деп айтылат маалыматта.
Мындан тышкары, «Кыргыз көмүр» мамлекеттик ишканасынын «Кара-Кече» филиалында Шахтёрлордун кесиптик мааракеси белгиленген. Иш-чарага энергетика министринин орун басары Насипбек Керимов жана «Кыргыз Көмүр» мамлекеттик ишканасынын башкы директору Кайрат Маматов катышкан. Салтанаттын жүрүшүндө мыкты делген адистерге сыйлыктар тапшырылган.
Загрузка ...
