Пакистандын түштүк-батышындагы Белужистан провинциясында куралчан сепаратисттер поездди аткылап, айдоочуну жарадар кылып, 450дөн ашуун жүргүнчүнү барымтага алышкан. Бул тууралуу 11-мартта жергиликтүү бийликтен билдиришти.
Кветта шаарынан Пакистандын Хайбер-Пахтунхва провинциясына бара жаткан поездге кол салуу үчүн жоопкерчиликти Белужистан боштондук армиясынын тобу өзүнө алды. Уюм ошондой эле алты пакистандык аскерди өлтүргөнүн айтып, эгер пакистандык аскерлер аларга каршы операция баштаса, барымтадагыларды өлтүрүүнү убада кылган.
Белужистан өкмөтүнүн өкүлү Шахид Ринд чукул чараларды көрүп, кырдаалды жөнгө салуу үчүн бардык мекемелер мобилизацияланганын билдирди. Кол салуу болгон жерге коопсуздук күчтөрү жөнөтүлдү.
Белужистан Иран бөксө тоосунун чыгышындагы сейрек калктуу аймак болуп саналат, анын калкынын басымдуу бөлүгүн ислам динин тутунган балужилер түзөт.
Белужистандагы жаңжал 1948-жылы Англиянын аймактан чыгып кетишинин натыйжасында Пакистан мамлекети түзүлгөндө башталып, анда пенжабиликтер чоң роль ойногон. Балучтар өз мамлекетин алышкан эмес. Ошондон бери жикчил топтор Белужистандын көз карандысыздыгы үчүн күрөшүп келет. Алар бир нече жолу мамлекеттик кызматкерлерге жана аскер кызматкерлерине кол салышкан.
Загрузка ...
