Кыргызгидромет республика боюнча 12-январга чейин күтүлгөн аба ырайы боюнча маалымат берди. Синоптиктер келерки аптада көпчүлүк аймактарда кар жаай турганын маалымдашты.
Бишкекте 8-январда мезгил-мезгили менен кар жаайт, калган күндөрү жаан-чачын күтүлбөйт.
Чүй жана Таласта 5-6-январда айрым жерлерде кар жаап, туман түшүшү ыктымал. 7-январда күн ачык болот. Бирок эртеси көпчүлүк жерлерде кар жаашы божомолдонууда. Аптанын калган күндөрү жаан-чачын болбойт.
Ош, Жалал-Абад жана Баткенде келерки жуманын 7-январь жана 9-11-январь күндөрү күн ачык болору айтылды. Калган күндөрү кар жаашы күтүлүүдө.
Ал эми Ысык-Көл жана Нарында алдыдагы аптада кар көп жаайт. Синоптиктердин айтымында 10-11-январь күндөрү күн ачык болуп, калган күндөрү кар жаашы күтүлүүдө. Нарында 7-январь күндүз жаан-чачын болору айтылды.
Загрузка ...
