Айзада Жамгырчиева «Музыка» телеканалына жетекчи болду

Алып баруучу Айзада Жамгырчиева «Музыка» телеканалын жетектейт. Бул тууралуу Жамгырчиеванын кесиптештери билдирди.

Белгилей кетсек, буга чейин аталган каналды продюсер Канат Култаев жетектеп келген. Ал бул кызматын УТРКдагы башка кызматка өтүп жаткандыктан тапшырып берген.

27 жаштагы Айзада Жамгырчиева Жусуп Баласагын атындагы Кыргыз улуттук университетинин Журналистика факультетин аяктаган. Бир канча жылдан бери «Музыка» телеканалында эмгектенип келет.