Өзбекстан Республикасынын биринчи айымы Зироат Мирзиёева Кыргыз Республикасынын биринчи айымы Айгүл Жапарова жана Азербайжан Республикасынын биринчи айымы Мехрибан Алиева менен бирге «Алтын балалык» реабилитациялык борборуна барышты.
Иш сапардын жүрүшүндө ардактуу меймандар борбордун ишмердүүлүгү менен таанышып, тарбиялануучулар үчүн уюштурулган билим берүүчү мастер-класстарга күбө болуп, балдар менен баарлашышты.
Коноктор үчүн «Шаттык» улуттук бий ансамбли жана жаш комузчулар ансамбли концерттик программа тартуулашты. Ошондой эле президенттик «Акылман» таланттуу балдар лицейинин тарбиялануучулары тарабынан жасалган чоподон жана кийизден жасалган буюмдардын көргөзмөсү уюштурулду.
Андан соң ардактуу меймандар пляж аймагын жана сүрөт галереясын көрүп чыгышты. Анда Кыргыз Республикасында өткөрүлгөн балдардын чыгармачылык боюнча эл аралык сынактардын жеңүүчүлөрү, анын ичинде Өзбекстандан келген жаш сүрөтчүлөрдүн эмгектери коюлган.
Загрузка ...
