Айпери Медет кызы Парижде Шер-Ниязга жолукту

Быйыл Парижде өткөн Олимпиада оюндарында бешинчи орунду багындырган балбан Айпери Медет кызы кайрадан Парижге барды.

Бул туурасында Кыргызстандын Франциядагы атайын жана толук ыйгарымдуу элчиси Садык Шер-Нияз соцтармактагы баракчасы аркылуу билдирди.

Айпери Медет кызы эмки, 2028-жылы өтө турган Олимпиада оюндарына жаңы дем, күч менен даядык баштай турганын айтты.

Париж Олимпиадасында Айпери Медет кызы кыз-келиндер күрөшүнөн 76 килограммга чейинки салмакта 3-орун үчүн беттеште кубалык Милаймис де ла Каридад Марин Потриллге жеңилип (0:6) калган.