Аркан менен секирүү учурунда киши каза болгон FlyJump спорт комплексинин ээси үй камагына чыгарылды

Аркан менен секирүү учурунда киши каза болгон FlyJump спорт комплексинин ээси Н. уулу А. үй камагына чыкты. Бул тууралуу Жогорку соттун маалымат кызматы билдирди.

Н. уулу А. 6-июль күнү кармалган. Чүй облусунун Аламүдүн райондук ички иштер башкармалыгы ага «Керектөөчүлөргө коркунуч жаратуу» айыбы менен иш козгогон.

Эскерте кетсек, 6-июль күнү саат 13:30дар чамасында Аламүдүн районунун Татыр айылынын тушунда жайгашкан Fly Jump спорт комплексинде бийиктиктен секирүү учурунда аркан үзүлүп кеткен. Натыйжада 1985-жылы туулган Б.А., окуя болгон жерден каза болгон.

9 Июль 2024 жыл 14:43

Тема боюнча