ДКО: Кыргызстан медалдардын саны боюнча экинчи келе жатат

Кыргызстандын курамасы Астанада өтүп жаткан Дүйнөлүк көчмөндөр оюндарында экинчи күндүн жыйынтыгы менен медалдардын саны боюнча экинчи орунда келе жатат.

Көчмөндөр оюндары 8-сентябрда башталган, 14-сентябрда жыйынтыкталат.

Мелдештин экинчи күнүнүн жыйынтыгы менен Казакстан 14 алтын, 3 күмүш, 8 коло (жалпы 25 байге) утуп, медалдардын саны боюнча сап башында турат. 3 алтын, 7 күмүш, 4 коло (жалпы 14 байге) алган Кыргызстан экинчи орунду ээлөөдө. Ошондой эле Россия 3 алтын, 2 күмүш, 5 колосу (жалпы 10 байге) менен үчүнчү болуп келе жатат.

Алтын уткандар (Кыргызстан):

• Бекболот Токтогонов (кураш, +100 кг);
• Уланбек Турганбаев (таяк тартыш, 65 кг);
• Элза Абдыкадырова (таяк тартыш, 55 кг).

Күмүш медаль ээлери:

• Жекшенбек Турдубеков (эр эңиш, 60 кг);
• Райкан Бактыгул уулу (эр эңиш, 70 кг);
• Бекмурза Токтошев (таяк тартыш, 70 кг);
• Элдос Айтбаев (таяк тартыш, 80 кг);
• Кемал Оболбеков (казак күрөшү, 55 кг);
• Луиза Асакеева (казак күрөшү, 48 кг);
• Асел Садырова (салттуу жаа атуу);

Коло медаль ээлери:

• Калыбек Бусурманкул уулу (эр эңиш, 80 кг);
• Байбол Саламат уулу (казак күрөшү, 66 кг);
• Искак Токонов (салттуу жаа атуу);
• Ажар Исаева (кураш, 70 кг).