Каныбек Туманбаев туризмди өнүктүрүү жана табигий байлыктарды сактоо боюнча жаңы долбоорлорду жарыялады

Президенттин иш башкаруучусу Каныбек Туманбаев, «Кыргыз мамлекеттик аңчылык чарбасы» мамлекеттик ишканасына иш сапар менен барып, аңчылык чарбасын өнүктүрүү жана туристтерди тартуу боюнча инфраструктуралык планды талкуулады. Ошондой эле экологиялык туруктуулукка жана табигый ресурстарды сактоого өзгөчө көңүл бөлүндү.

Иш чаранын алкагында төмөнкү сунуштар айтылды:

1. Коноктор үчүн экологиялык стандарттарга жооп берген мейманкана куруу.
2. Туристтер үчүн экосистемага зыян келтирбестен, табигый чөйрөгө шайкеш келүүчү А-фрейм үйлөрдү куруу.
3. Мейманкананын аймагында жергиликтүү экологиялык таза азыктарды колдонуу менен ресторан ачуу.
4. Туруктуу балык уулоонун принциптерин эске алуу менен балык чарбасын өнүктүрүү, бул туристтик кызматтардын түрүн көбөйтүүгө жана балык уулоо менен камсыздандырууга шарт түзөт.
5. Табигый ресурстарды туруктуу пайдалануу жана аны менен катар экологияны таза сактоо бул биздин негизги максат.

Бул пландар аймактын инфраструктурасын өнүктүрүү, туристтер үчүн кызыктуу жайлардын санын көбөйтүү жана экосистеманы сактоо менен туризмдин өсүшүнө шарт түзүүгө багытталган.