Кароосуз калган сарайдан окуучунун жансыз денеси асынган абалда табылган

Ысык-Ата районунда өспүрүм асынган абалда табылды. Бул тууралуу Чүй облустук ички иштер башкы башкармалыгынан билдиришти.

Маалыматка караганда, 30-сентябрда саат 20:45 чамасында Ысык-Ата РИИБине Серафимовка айылынан маалымат түшкөн. Анда Бишкек шаарынын 2008-жылы туулган Э.З. аттуу тургунунун жансыз денеси ээн калган сарайда асылып турганы айтылган.

Бул факты катталып, бардык керектүү экспертизалар дайындалган. Окуянын себептери жана жагдайлары такталууда.