
Министрлер кабинетинин төрагасынын орун басары Эдил Байсалов Женевада БУУнун Адам укуктары боюнча кеңешинин 58-сессиясынын жогорку деңгээлдеги сегментинин ишине катышты.
Эдил Байсалов БУУнун бийик трибунасынан кыргыз-тажик мамлекеттик чек ара сызыгы биротоло макулдашылганын жарыялап, бул окуяны «дипломатиянын жана саясий эрктин тарыхый салтанаты» деп атады.
«Бул Макулдашуу Кыргызстандын президенти Садыр Жапаровдун көрөгөч жетекчилигинин, анын аймактагы тынчтыкты жана туруктуулукту камсыз кылуу боюнча тынымсыз аракеттеринин аркасында мүмкүн болду. Биз эң татаал маселелер да диалог, өз ара урматтоо жана ишеним аркылуу чечиле тургандыгын далилдедик», — деп баса белгиледи Байсалов.
Мындан тышкары, ал 31-мартта Худжандда Кыргызстан, Тажикстан жана Өзбекстан башчыларынын тарыхтагы биринчи үч тараптуу саммити өтөөрүн жарыялады.