Кыргызстандык окуучулар Балкан математикалык олимпиадасында 1 күмүш, 3 коло медаль жана 2 ардак грамотага ээ болду

Кыргызстандык окуучулар Балкан математикалык олимпиадасында 1 күмүш, 3 коло медаль жана 2 ардак грамотага ээ болду. Бул тууралуу Билим берүү жана илим министрлигинен билдиришти.

27-апрелден 2-майга чейин Болгариянын Варна шаарында өткөн 41-Балкан математикалык олимпиадасына 22 өлкөнүн окуучулары катышкан.

Байге алган окуучулар:

• Ян Бобрус, «Газпром Кыргызстан» мектебинин 8-классынын окуучусу – күмүш медаль;
• Нурсултан Эшперов жана Сейит Рыскулов, «Газпром Кыргызстан» мектебинин 10-классынын окуучулары – коло медаль;
• Нурдөөлөт Капаров, Б.Якирдин атындагы №61 автордук физика-математикалык мектеп-лицейийнин 10-классынын окуучусу – коло медаль;
• Назар Кыргызбаев жана Айдин Асанкадыров, Б.Якирдин атындагы №61 автордук физика-математикалык мектеп-лицейинин 10-классынын окуучулары – ардак грамота.

Окуучуларды олимпидага математика мугалими Мамат Ишматов даярдаган.