Лейлекте жашы жете электерге нике кыйып жүргөн молдолор аныкталды

Лейлекте жашы жете электерге нике кыйып жүргөн молдолор аныкталды. Бул тууралуу Баткен ОИИБден билдиришти.

Лейлек РИИБдин кылмыш иликтөө бөлүмүнүн кызматкерлери тарабынан Лейлек районунун аймагындагы диний ырым-жырымдарды колдонууда мыйзамда көрсөтүлгөн жоопкерчиликтерди сактабай, жашы жете электерге нике кыйып жүргөн молдо аныкталган.

Бул факты Лейлек РИИБге катталып, 175-берене (Диний ырым-жырымдарды өткөрүүдө нике курагы жөнүндө мыйзамдарды бузуу) менен катталып, сотко чейин өнүдүрүш иши башталган.

Текшерүү иштеринде Лейлек районунун мечиттеринин биринин имам хатиби 63 жаштагы жаран октябрь айында жашы жете электерге нике кыйгандыгы, район аймагында жыл ичинде башка молдорлор тарабынан да жашы 18ге толо элек өспүрүмдөргө нике кыйган 2 факты аныкталды. Учурда тергөө иштери жүрүп жатат.

25 Декабрь 2023 жыл 12:26

Тема боюнча