Өнөр жай, энергетика жана жер казынасын пайдалануу мамлекеттик комитети жылуулукка жана ысык сууга тарифтерди жылуулук энергиясынын өздүк наркынын деңгээлинде белгилөөнү сунуштоодо. Тиешелүү мыйзам долбоору коомдук талкууга коюлду.
Бул долбоордун максаты — «Электр энергетикасы жөнүндө» мыйзамдын 21-беренесине ылайык келтирүү жана энергетика секторунун өзүн-өзү актоо принциптерин киргизүү, ошондой эле акча каражаттарынын тартыштыгынын шартында энергетика секторунун ишинин негизги көрсөткүчтөрүн жыл сайын жакшыртуу болуп саналат.
Анда өнөр жай, бюджеттик жана башка керектөөчүлөр жана башка абоненттер үчүн жылуулук энергиясынын өздүк наркынын деңгээлинде тарифтерди белгилөө сунушталууда.
«Электр станциялары» ишканасынын филиалынын тиричилик эмес керектөөчүлөрү үчүн 2052 сом/Гкал тариф белгиленген, ал эми 2022-жылга иш жүзүндөгү өздүк наркы 2344,2 сом/Гкал түздү, бул 292,2 сомго же 14,24%га аз.
«Белгилей кетүүчү нерсе, 2023-жылга пландык нарк 2977,2 сом/Гкал түзөт, бул 925,2 сомго же 45,1%га аз», — деп айтылат негиздемеде.
Эскерте кетсек, Кыргызстанда 1-июндан тарта калк үчүн ысык сууга, жылуулукка тарифтер көтөрүлгөн. Орто мөөнөттүү тарифтик саясат боюнча токтомдо 2021-жылдан 2025-жылга чейин кызмат көрсөтүүлөрдүн баасы жыл сайын 10%га кымбатташы күтүлүүдө деп айтылат.
Загрузка ...
