Бүгүн, 16-октябрда Нарында окуучулар үчүн жаңы мектеп эшигин ачты. Бул тууралуу Мамкурулуштун жетекчиси Мырзабек Жыпаркулов билдирди.
Нарын облусунун Жумгал районуна караштуу Кызыл Жылдыз айылындагы К.Акыев атындагы билим уясын куруу иштери 2016-жылы республикалык бюджеттин эсебинен башталган. Мектеп 2 кабаттуу 2 окуу корпусунан туруп, 225 орунга ылайыкташтырылганын билдирет Жыпаркулов.
«Бүгүнкү күндө мектептин курулуш-монтаждоо иштери жана спорт зал корпусу толук бүткөрүлдү. Мектептин айланасын жашылдандыруу жумуштары да 100%га аткарылды»,-дейт Жыпаркулов.
Кошумчалай кетсек 7 жыл бүтпөй турган мектеп, быйыл ишке кирди.
Загрузка ...
