Президент Садыр Жапаров «Жалал-Абад, Нарын, Талас, Чүй жана Ысык-Көл облустарынын айрым айыл аймактарын жана айылдарын кайра атоо жөнүндө» мыйзамга кол койду. Бул тууралуу президенттин маалымат кызматы билдирди.
Мыйзам 2024-жылы 5-декабрда Жогорку Кеңеш тарабынан кабыл алынган. Ага ылайык:
Жалал-Абаддын Аксы районунун Таштак айылы Малкалды, Ноокен районунун Параканда айылы Баракелде;
Нарындын Кочкор районунун Большевик айылы Баялы Исакеев;
Таластын Бакай-Ата районунун Ынтымак айылы Шадыкан, Манас районунун Новодонецк айылы Айтматов, Талас районунун Козучак айылы Жанкороз Олуя,Балбал айылы Жаныбек Баатыр;
Чүйдүн Москва районунун Чоң-Арык айылы Сыйдалы;
Ысык-Көлдүн Ак-Суу районунун Теплоключенка айылы Ак-Суу деп өзгөртүлдү.
Загрузка ...
