Социалдык тармактарда Райымбек Матраимов менен чырк эткен белгилүүлөрдүн сүрөтү кызуу талкууланып жатат. Пикир жазгандардын басымдуу бөлүгү атактууларды сынга алып жатканын Кактус медиасы жазды.
Шоумен Мыктыбек Мукаев айрым кесиптештеринин, дүйнөгө аты чыккан белгилүүлөрдүн бул кадамын уят деп эсептейт.
«2020-жылы октябрда «Райым миллион камалсын» дегендердин кээ бирлери бүгүн «ыракмат, Райым Матраимов» деп жүрүшөт. Уят эле жигиттер», — деп жазды.
Белгилесек, 27-августта Бишкекте Кыргызстан мусулмандарынын дин башкармалыгынын жаңы курулган кеңсесинин ачылыш аземи өткөн. Иш-чарага коррупция боюнча соттолгон Райымбек Матраимов да барган. 1 жыл мурда Муфтияттын жаңы имаратынын курулушуна Райымбек Матраимов жетектеген «Исмаил-Ата» фонду демөөрчүлүк кылып жатканы белгилүү болгон.
Загрузка ...
