Ташиев: «Эгерде тажик тарап Кыргызстанга карата чек ара дооматтарынан баш тартпаса, анда биз дагы тарыхый документтердин негизинде аларга доо коёбуз…

УКМКнын төрагасы Камчыбек Ташиев Тажикстан Кыргызстанга дооматтарды коюп келгенин, ошону менен катар эле Кыргызстан аймактык дооматтарга жооп берип келгенин билдирди.

«Мамлекеттик чек араны демаркациялоо жана делимитациялоо комиссиянын төрагасы болом. Ушуга чейин коңшулар менен маселени тынч чечели деп аракет кылып келгенбиз. Дагы аракет кыла беребиз. Биздин өлкөгө өткөн жылы агрессия болгондугу бул — анык жана чын. Мындан ары андайга жол бербейбиз. Тажикстан бизге чек ара боюнча дооматтарды коюп келишкен. Биз ал аймактык дооматтарга жооп берип келгенбиз. Жаңы документтерди таптык. Ошол документтердин негизинде биздин өлкөнүн көптөгөн жерлери Тажикстанга өтүп кеткенин билебиз. Ошону тактап бере алабыз. Эгерде тажик тарап Кыргызстанга карата чек ара дооматтарынан баш тартпаса, анда биз дагы тарыхый документтердин негизинде аларга доо коёбуз. Күчүбүз да, мүмкүнчүлүгүбүз да жетет», — деди ал.

15 Сентябрь 2023 жыл 17:47
Көрүүлөрдүн саны:

Тема боюнча