Улуттук банкынын төрагасынын жаңы орун басарлары дайындалды

Алиев Бектур Кубанычбекович Улуттук банкынын төрагасынын орун басары болуп дайындалганын президенттин басма сөз кызматы билдирди.

Тиешелүү тескемеге президент Садыр Жапаров кол койду.

Буга чейин 27-августта Улуттук банктын төрагасынын дагы бир орун барасы кызматына Азат Козубеков дайындалган.

Эскерте кетсек, 23-августта президент Садыр Жапаров Улуттук банктын төрагасы Мелис Тургунбаевге сөгүш жарыялап, эки орун басары Манас Жакыпов жана Кайып Куленбеков ээлеген кызматтарынан бошотулган.

Президенттин маалымат кызматы билдиргендей, буга акча-кредит саясаты чөйрөсүндөгү жетишсиз иштер валюта курсунун туруксуздугуна алып келип, экономикага терс таасирин тийгизүү менен бизнес, финансы рыноктору, калк жана инвесторлордун алдында ишенимди жоготуу коркунучун жараткан.