Жалал-Абад шаарында 10 электробус каттамга чыкты.
Муниципалитеттен билдиришкендей, алар учурда шаардагы №10 каттамда жүргүнчүлөрдү тейлеп жатат.
Электробустар күйүүчү майлар менен жүргөн автобустарга караганда каражатты 60%га чейин үнөмдөйт. Тагырагы, бир электробус 450 сом менен толук кубатталат. Ал үчүн 6 автобусту бир учурда кубаттоочу 3 жабдык орнотулган.
Белгилей кетсек, шаарга жалпы суммасы 118,5 млн сомго 10 даана электробус кубаттагычтары менен сатып алынган. Каражаттын 100 млн сому республикалык бюджеттен, ал эми калган каражат жергиликтүү бюджеттен бөлүнгөн.
Загрузка ...
