Президент Садыр Жапаров менен Түркиянын президенти Режеп Тайып Эрдогандын расмий жолугушуу аземи бүгүн, 5-ноябрда саат 11:00дө “Ынтымак-Ордодо” өтөт. Бул тууралуу президенттин басма сөз катчысы Аскат Алагөзов социалдык тармактагы баракчасына жазды.
Анын айтымында, расмий жолугушуу аземи УТРК каналында жана социалдык тармактардагы баракчаларда түз эфирде көрсөтүлөт.
Эске салсак, 4-ноябрдын кечинде Түркиянын президенти Режеп Тайып Эрдоган Кыргыз Республикасына мамлекеттик сапар менен келген. Аны Бишкектеги эл аралык “Манас” аэропортунан президент Садыр Жапаров тосуп алган.
Аба бекетке ардак кароол тизилип, түрк делегациясына кыргыз жана түрк музыкалык чыгармаларын аткарган кыргыз артисттеринин концерттик программасы тартууланды.
Загрузка ...
