Жогорку Кеңештин жыйынында Укук бузуулар жөнүндө мыйзамга өзгөртүүлөрдү киргизилди

Жогорку Кеңештин жыйынында «Кыргыз Республикасынын айрым мыйзам актыларына (Салыктык эмес кирешелер жөнүндө Кыргыз Республикасынын кодексине, Кыргыз Республикасынын Укук бузуулар жөнүндө кодексине) өзгөртүүлөрдү киргизүү жөнүндө» мыйзам долбоору үчүнчү окууда каралып, кабыл алынды.

“Салыктык эмес кирешелер жөнүндө Кыргыз Республикасынын кодексине өзгөртүү киргизүү тууралуу” Кыргыз Республикасынын мыйзамынын долбоору иш боюнча сот актысы күчүнө кирген учурдан тартып жарандардын мамлекеттик алымды кайтарып берүү жөнүндө сотко кайрылуу укугун бекемдөө максатында иштелип чыккан.

Ошондой эле, мыйзам долбоору дүйнө жүзүндөгү, анын ичинде Кыргыз Республикасында түзүлгөн экономикалык кырдаалды эске алуу менен, ошондой эле республиканын калкынын социалдык-экономикалык абалына жана бүтүндөй өлкөдөгү коомдук-саясий кырдаалды эске алуу менен иштелип чыккан.

21 Декабрь 2023 жыл 12:51

Тема боюнча