Жогорку класстын окуучусу өзүнөн кичүү класстагыларды тизип алып уруп жаткан видео тарады

Социалдык тармактарда Новопавловка айылында жогорку класстын окуучусу өзүнөн кичүү окуучуларды тизип алып уруп жаткандыгы тууралуу тасма тарады.

Видеонун алдында 9-класстын окуучусу 8-класстын окуучуларын уруп жатканы айтылган. Окуя боюнча Чүй ОИИБгы териштирүү башталганын билдирди.

«Аталган окуя Сокулук районунун ички иштер бөлүмүндө катталып, тергөөгө чейинки текшерүү иши башталган. Учурда окуя боюнча милиция кызматкерлери текшерүү иштери жүргүзүлүп жатат, жыйынтыгы менен кошумча маалымат берилет», — дешти.