Кыргызстандык жаш боксчу Алмаз Орозбеков Индонезиядагы жаштар арасындагы Азия чемпионатынын финалына чыкты.
23 жашка чейинки спортчулардын арасындагы турнир Жакарта шаарында өтүүдө. Жарым финалдык баскычтын беттештери 12-июлда өттү.
Орозбеков 75 кг чейинки салмак категориясында рингге чыгууда. Анда жалпысынан 7 спортчу катталган.
Кыргызстандык спортчу 10-июлда 1/4 финалда Кытай Тайбэйинин өкүлүн жеңип, ал эми жарым финалдык беттеште Өзбекстандын спортчусун 5:0 эсебинде уткан.
16-июлда боло турган финалдык беттеште Орозбековго Казакстандын өкүлү Аман Консбеков атаандаш болот.
Загрузка ...
