U-23: Кыргызстандык 3 балбан Азия чемпиону болду

 Вьетнамдын Да Нанг шаарында спорттук күрөш боюнча өтүп жаткан U-23 Азия чемпионатында Кыргызстандык балбандар ийгиликтүү катышууда.

Дене тарбия жана спорт мамлекеттик агенттигинен билдиришкендей, учурда Кыргызстандын 6 балбаны байгелүү орундарды ээледи.

Анын ичинде алтын медалдын ээлери:

• Ырыскелди Хамзаев 72 кг чейин;
• Эрлан Марс уулу 82 кг чейин;
• Нурболот Токтогонов 130 кг чейин.

Күмүш медаль ээси:

• Жеңиш Жумабеков 97 кг чейин

Коло медаль ээлери:

• Нуристан Суеркулов 60 кг чейин;
• Баяман Каримов 67 кг чейин.

Вьетнамдын Да Нанг шаарында өтүп жаткан мелдештер 31-майга чейин уланат.