Баткенде Кыргызстан менен Тажикстандын топографиялык жумушчу тобу жолукту

Баткен шаарында Кыргызстан менен Тажикстандын топографиялык жумушчу тобу жолукту. Бул тууралуу Министрлер кабинетинен билдиришти.

Тараптар кыргыз-тажик мамлекеттик чек арасынын калган тилкелериндеги линияны чийүүнү талкуулашкан. Кийинки жыйын Тажикстанда өтөт. “Жолугушуу достук жана өз ара түшүнүшүү маанайында өттү”, — деп айтылат маалыматта.