Кусеин Карасаев атындагы Бишкек мамлекеттик университетинин ректору болуп Мирлан Дылдаев дайындалды. Бул тууралуу Билим берүү жана илим министрлиги билдирди.
Маалыматта айтылгандай, жаңы ректор жүргүзүлгөн тандоонун жыйынтыгы боюнча 6 айлык сыноо мөөнөтү менен дайындалды.
49 жаштагы Мирлан Дылдаев география илимдеринин доктору.
Мурда ал БМУнун экология жана башкаруу бөлүмүнүн деканы жана Кыргыз-Түрк «Манас» университетинде доцент болгон. 2023-жылдан бери Ишеналы Арабаев атындагы Кыргыз мамлекеттик университетинин Табигый илимдер жана туризм институтунун директору болуп иштеп келген.
Загрузка ...
