Кыргызстандагы бардык кинотеатрларда «Рэкетир: Жаңы доор» тасмасынын көрсөтүлүшү токтотулду. Бул тууралуу «Синематика» кинотеатрлар түйүнү расмий түрдө маалымдады.
Кинотеатр өкүлдөрү билет алган көрөрмандарга акчаны кайтарып берүү үчүн тиешелүү администрацияга же кардарларды колдоо кызматына кайрылууну сунушташты.
Тасманын прокаттан алынышына эмне себеп болгону азырынча так айтылган жок. Бул чечим кино сүйүүчүлөр арасында ар кандай пикирлерди жаратты. Айрымдары тасманын мазмунуна байланыштуу маселелер болушу мүмкүн деп божомолдошсо, башкалары уюштуруучулардын ички чечими экенин айтышууда.
Учурда кинотеатрлар билеттерди кайтаруу жараянын жүргүзүүдө.
Загрузка ...
