Кыргызстандын карате-до боюнча улуттук курама командасынын мүчөсү Адилет Шадыканов Ханчжоу шаарында өтүп жаткан Азия оюндарынын финалына чыкты.
Спортчу 84 кг жогоркулар арасында беттешип, алгач непалдык спортчуну 5:1 эсебинде жеңди. Ал эми жарым финалда сауд аравиялык атаандашын утуп, финалга чыкты.
Адилет Шадыканов финалда ирандык спортчу Саджад Ганжзаде менен кез келет. Финалдык беттештер Бишкек убактысы боюнча саат 13:00дө башталмакчы.
Эскерте кетсек, ушул күндөрү Кытайдын Ханчжоу шаарында 45 өлкөнүн катышуусунда XIX жайкы Азия оюндары өтүп жатат. Оюндарга Кыргызстандан 160 спортчу спорттун 23 түрү боюнча катышууда. 24-сентябрда башталган спорттук иш-чара 8-октябрга чейин уланмакчы.
Загрузка ...
