Икрамов шайлоого келбегендерди айыпка жыгуу долбоорун чакыртып алды

Жогорку Кеңештин депутаты Тазабек Икрамов шайлоодо добуш берүүгө катышпай койгон жарандарга айып пул салуу боюнча мыйзам долбоорун артка кайтарып алды. Бул тууралуу ал парламенттин 29-ноябрдагы жыйынында айтып, документ толукталып кайра коомдук талкууга коюларын билдирди.

“Депутаттардын, коомчулуктун пикирин эске алып, иштеп чыгып кайра сайтка илебиз. Келечекте элдин шайлоого катышуусун көбөйтүү үчүн иштеп чыкканы калдым”, — деди Икрамов.

Мыйзам долбоору 13-июлда коомдук талкууга коюлган. Документте Кыргызстанда олуттуу себеби жок туруп шайлоого барбай койгон адамга 5 миң сом айып салуу сунушу жазылган.

29 Ноябрь 2023 жыл 19:49

Тема боюнча