Кыргызстандык эркектер 20-29 жашында үй-бүлө курууга басым жасашат. Бул тууралуу Улуттук статистика комитетинин маалыматында айтылды.
Никеге турган ар бир экинчи эркек 25-29 жашта, ал эми ар бир үчүнчү эркек 20-24 жашта болгон.
Биринчи жолу никеге турган эркектердин орточо курагы 27,9 жашты, ал эми кайрадан никеге турган эркектердики 34,6 жашты түзөт.
Мындан сырткары, Статкомдун маалыматында өлкөдө 2024-жылдын башына карата 3,5 миллион эркек жашай турганы жазылган. Алар калктын 49,5 пайызын түзөт. Республикадагы эркектердин үчтөн экиси айыл жеринде жашаса, ар бир алтынчы эркек Бишкекте турат.
Загрузка ...
