Жапаров расмий сапары менен Казакстанга учуп кетти (коштоп кеткендер)

Президент Садыр Жапаров бүгүн расмий сапар менен Казакстанга учуп кетти. Бул тууралуу президенттин маалымат кызматынан кабарлашты.

Казакстандын президенти Касым-Жомарт Токаевдин чакыруусу менен 18-19-апрелде боло турган сапардын алкагында Мамлекет башчысы Казакстандын Президенти менен сүйлөшүүлөрдү жүргүзүп, Кыргыз Республикасынын жана Казакстан Республикасынын Жогорку Мамлекеттер аралык кеңешинин Алтынчы жыйынына катышат.

Ошондой эле Кыргызстан менен Казакстандын Президенттеринин катышуусунда Астананын борбордук көчөлөрүнүн биринде Айкөл Манастын эстелигинин салтанаттуу ачылыш аземи болот.

Сапарга карата «Кыргызстан – Казакстан» бизнес-форуму, аксакалдардын жана чыгармачыл интеллигенция өкүлдөрүнүн тегерек үстөлү, кыргыз-казак жаштар форуму, Жусуп Абдрахмановго арналган илимий-практикалык конференция жана илимпоздордун «Кыргызстан жана Казакстандын актуалдуу маселелерин чечүүдө илимди өнүктүрүү келечеги» форуму сыяктуу бир катар иш-чаралар белгиленген.

Кыргыз Республикасынын расмий делегациясынын курамы:

  • тышкы иштер министри Жээнбек Кулубаев;
  • Мамлекеттик катчы Сүйүнбек Касмамбетов;
  • Министрлер кабинетинин төрагасынын биринчи орун басары Адылбек Касымалиев;
  • Президенттин администрациясынын тышкы саясат бөлүм башчысы Муратбек Азымбакиев;
  • Кыргызстандын Казакстандагы элчиси Дастан Дюшекеев;
  • билим берүү жана илим министри Догдуркүл Кендирбаева;
  • маданият, маалымат, спорт жана жаштар саясаты министри Алтынбек Максүтов;
  • санариптик өнүктүрүү министри Нурия Кутнаева;
  • транспорт жана коммуникациялар министри Тилек Текебаев;
  • экономика жана коммерция министри Данияр Амангельдиев;
  • Улуттук коопсуздук мамлекеттик комитетинин төрагасынын биринчи орун басары — Чек ара кызматынын директору Уларбек Шаршеев;
  • Президентке караштуу Инвестициялар боюнча улуттук агенттигинин директору Талантбек Иманов;
  • Президенттин Талас облусундагы ыйгарым укуктуу өкүлү Нурлан Дарданов;
  • Президенттин Чүй облусундагы ыйгарым укуктуу өкүлү Канат Жумагазиев;
  • Президенттин Ысык-Көл облусундагы ыйгарым укуктуу өкүлү Уланбек Далиев.
18 Апрель 2024 жыл 17:44

Тема боюнча