Бишкекте жогорку окуу жайларында, кесиптик лицей, колледждерде сабак саат 10:00дөн эрте башталбайт. Бул токтомго Акылбек Жапаров кол коюп, маалыматты министрлер кабинети тастыктаган. Ал эми мындай чечим шаардагы жол тыгынын азайтуу максатында кабыл алынганы маалымдалды.
Бирок көпчүлүк студенттер жана алардын ата-энелери мындай окуу графигине каршы экенин айтышууда.Алар окуу убактысын эртерээк кылууну, анткени башка шаарлардан келип окугандар да бар экенин эске алуу керек дешет. Андыктан алар Билим берүү министрлигинен бул маселени кайра карап чыгууну суранышууда.
Студенттердин кайрылуулары:
«Мен 1-курстун студенти катары сиздердин көңүлүңүздү ЖОЖдордогу жаңы графикке бургум келет. Менин факультетим экинчи сменде окуйт, бул көбүбүзгө өтө ыңгайсыз. Көптөгөн студенттер башка шаарлардан же айылдардан келишет, кээ бирлери окуу менен жумушту айкалыштырышы керек. Бул график үй тапшырмаларын аткарууга жана башка иштерге тоскоол болот жана ал тургай кечки тамакка да убакыт жок. Билим берүү министрлигинен буга көңүл бурууну суранабыз”.
«Университеттин экинчи сменасы. 1-жуп 14:30да, 4-жуп 20:20да аяктайт. Бул нормалдуу деп ойлойсузбу? Жылуу мезгилде жакшы, бирок кышында эмне кылуу керек?»
«Салам. Мен студенттердин окуу графиги боюнча арыздангыбыз келет. Экинчи смена 14:20дан 20:20га чейин башталат. Бул кантип болушу мүмкүн? Кышында эмне болот? Биз университеттерде түнөшүбүз керекпи же башка нерсеби? Бул график эч жерде такыр туура келбейт. Аз камсыз болгон үй-бүлөлөрдүн студенттери бар, алар жашоо үчүн жана батир акысын төлөө үчүн эле толук эмес иштөөгө мажбур. Ал эми саат 18:00дөн кийин эч ким окугусу келбейт, мээге эч нерсе кирбейт».
«Салам. Жаңы окуу тартибине студенттердин нааразычылыгын айткым келет. Биринчи нөөмөт саат 10:00дө, экинчиси 14:30да башталып, 20:20да аяктайт. Ушуга көңүл буруңуз. Саат 18:00дөн кийин эч ким окубайт. Бул иш жүзүндө мүмкүн эмес. Мындай графиктен мээ, дене чарчайт, анын үстүнө мугалимдер да чарчайт. Мындай график түзмө-түз билим берүүнүн сапатына таасирин тийгизет”.
«Бизде экинчи нөөмөт бар, саат 20:20га чейин окуйбуз. Буга баары каршы. Үйгө кантип жетебиз?
«Студенттерди 1-2 сменалык кылышты. 1-смена саат 10:00 дон 14:30 га чейн, ал эми 2-смена 14:30дан 20:20 га чейн. Биз суранаар элек убакытты эртерээк кылууну, анткени башка шаарлардан келип окугандар бар. Мисалы, Токмок, Кант жана шаардын четинде, региондордо жашагандар бар, алардын үйлөрүнө мисалы 18:00 кийин маршруттук такси жүрбөйт. Министерлик ушуга көңүл буруп койсо жакшы болот еле. Рахмат».
«Биз Бишкекте студенттердин экинчи сменде окуусуна каршыбыз».
«Биз (К.Карасаев атындагы БМУнун 1-курсунун студенттери жана алардын ата-энелери) экинчи нөөмөттө окууга каршы петицияга кол коелу деп жатабыз, анткени бул көпчүлүк үчүн жашаган жерине, иштеген жерине байланыштуу ыңгайсыз, кээ бирлеринин курстары болушу мүмкүн . Мындай ыңгайсыз окуу графигинен улам көптөр сабактарды өткөрүп жибериши мүмкүн. Билим берүү министрлигинен бул маселени кайра карап чыгып, биздин өтүнүчүбүздү эске алууну суранам”.
«Окуу процессин экинчи нөөмөттөн биринчи нөөмөткө өткөрүү мүмкүнчүлүгүн карап чыгууну суранам. Себеби, ошол эле учурда иштеген студенттер экинчи сменде окуусун улантышса, чоң кыйынчылыктарга дуушар болушат”.
«Сабактарды кечинде бүтүрүү олуттуу ыңгайсыздыктарды жаратып, жумуш менен окууну айкалыштырууда кыйынчылык жаратат. Биринчи сменага өтүү бардык окуучулар үчүн шарттарды бир топ жакшыртып, алардын ийгиликтүү окуусуна салым кошо алмак.
«Мен К.Карасаев атындагы БМУнун 1-курсунун студентимин. Бул маселе боюнча чара көрүүңүздөрдү суранам, анткени физикалык жактан да окуучуларды да, мугалимдерди да абдан чарчатат».
Загрузка ...
