Кечээ, 24-июнда саат 21:20 чамасында катуу жааган жамгырдын кесепетинен Кара-Суу районундагы Ынтымак айыл аймагындагы Жаңы-Арык – Кызыл-Суу унаа жолунун 19-чакырымынан тартып бир нече чакырымы сел сууларынын алдында калган. Бул тууралуу Транспорт жана коммуникациялар министрлигинин маалымат кызматы билдирди.
Табигый кырсык болгон жерге атайын техникалар ыкчам тартылып, №45 Жол эксплуатациялоо мекемеси тарабынан тазалоо иштери жүргүзүлдү.
Натыйжада жолдогу каттам эки тараптуу калыбына келтирилди.
Учурда жолду кеңейтүү иштери улантылууда.
Мындан тышкары, Кара-Суу районуна караштуу Кара-Сөгөт айылында сел жүргөн. Бул унаа жолдо да тазалоо иштери уланат.
Жол каттамы үзгүлтүксүз камсыздалууда.
Загрузка ...
