6 жылга соттолгон активист Мелис Аспеков президенттин соттолгондорго ырайым берүү боюнча жарлыгынын негизинде 23-майда Молдовановка айлындагы №27 абактан бошотулду. Бул тууралуу Жаза аткаруу мамлекеттик кызматы билдирди.
Маалыматка ылайык, Аспековдун жаза мөөнөтү 2021-жылы 9-январынан баштап эсептелген.
«Президент Садыр Жапаровдун 2023-жылы 23-майда “Соттолгондорго ырайым берүү” боюнча жарлыгынын негизинде Аспековдун жаза мөөнөтү үч жыл сегиз айга кыскартылган. Аспеков абакта 2 жыл 4 ай 14 күн отурганы жана ырайым менен 3 жыл 8 айы кыскартылганы кошулуп жаза мөөнөтүн өтөдү»,- деп жазылат маалыматта.
Ошондой эле ЖАМК “Мунапыс берүүнүн жана ырайым кылуунун жалпы принциптери жөнүндө” мыйзамына ылайык, ырайым берүү соттолгон адамдын жеке кайрылуусу менен караларын кошумчалады.
Загрузка ...
