Көчмөндөр оюндары: Таяк тартыш боюнча кыргыз курамасы 8 медаль жеңди

V Дүйнөлүк Көчмөндөр оюндарында таяк тартыш боюнча мелдеште кыргыз спортчулары жалпы 8 медаль жеңди.

Дене тарбия жана спорт департаментинен билдиришкендей, улуттук курама команданын мүчөлөрү 6 алтын, 1 күмүш, 1 коло жеңип алышты.

Алтын уткандар:

• Уланбек Турганбаев (65 кг)
• Бекмурза Токтошев (70 кг)
• Келдибек Атайбек уулу (105 кг)
• Элзар Абдыкадырова (55 кг)
• Адель Маданбаева (65 кг)
• Назия Майлыбашева (75 кг)

Күмүш медаль:

• Элдос Айтбаев (80 кг)

Коло медаль:

• Русланбек Чыныбек уулу (90 кг)

Улуттук курама командалык эсеп боюнча 1-орунду ээледи. Мелдешке жалпы 33 өлкөнүн спортчулары катышты.