Кыргыз балбандары Сербияда өткөн мелдеште 6 медаль утту

Грек-рим күрөшү боюнча Кыргыз Республикасынын улуттук курама командасынын 6 мүчөсү Младеновац шаарында (Сербия) өткөн Любомир Иванович Гедза атындагы эл аралык мелдеште алдыңкы орундарды жеңишти.

Алар:

• Акжол Махмудов (77 кг) — алтын;
• Жоламан Шаршенбеков (60 кг) — алтын;
• Раззак Бейшекеев (67 кг) — алтын;
• Бексултан Махмудов (97 кг) — күмүш;
• Үзүр Жусупбеков (97 кг) — коло;
• Амантур Исмаилов (67 кг) — коло медалдын ээси болушту.

Эскерте кетсек, Любомир Иванович Гедза атындагы эл аралык мелдеш 5 август күнү жыйынтыкталды. Ага Кыргызстандын атынан жалпы 8 спортчу катышкан.